គាត់ចង់អោយប្រពន្ធរបស់គាត់បានដឹងពីការលំបាករបស់គាត់ ដូច្នេះគាត់ក៏បួងសួងដល់ទេវតា៖
« ទេវតាអឺយ មួយថ្ងៃខ្ញុំធ្វើការប្រាំបីម៉ោង ចំនែកឯភរិយាខ្ញុំវិញ នាងនៅតែផ្ទះ ។ ខ្ញុំចង់អោយនាងយល់ពីការលំបាករបស់ខ្ញុំ។ ដូច្នេះ សូមព្រះអង្គ ជួយប្ដូរកាយយើងទាំងពីរ អោយបានមួយថ្ងៃ ដើម្បីអោយនាងយល់ពីខ្ញុំផង »
ទេវតាយល់ដល់សេចក្ដីអធិដ្ឋានរបស់បុរសម្នាក់ ក៏ប្រទានពរតាមប្រាថ្នា។ បុរសជាប្ដីក្លាយជាស្ត្រីមេផ្ទះ រីឯនាងជាភរិយាក៏ក្លាយជា ប្ដីជាអ្នកធ្វើការក្រៅវិញ។
….
ព្រឹកឡើងបុរសនោះក្រោកឡើងក្នុងកាយជាស្ត្រី។
គាត់ក្រោកទៅធ្វើម្ហូបសំរាប់ប្ដីនិងកូន គាត់ដាស់កូនអោយក្រោក។
ស្លៀកពាក់អោយកូន។ បញ្ចុកចំនី។
ជូនកូនទៅរៀន។
ទៅផ្សារ។
ពិនិត្យមើលចំនូលចំនាយ ប្រចាំថ្ងៃ។ បង់លុយទឹកភ្លើង។
មុជទឹកអោយឆ្កែ។
ម៉ោង១ថ្ងៃ ស្រេច!!
រៀបចំពូក។
បោកខោអាវ។
បោសផ្ទះ។
ទៅយកកូនចេញពីសាលា។ ឈ្លោះជាមួយកូនតាមផ្លូវមកផ្ទះ។
បញ្ចុកចំនី ទឹកដោះគោ។
បង្រៀនកូន ជួយមើលកិច្ចការសាលា។
បន្ទាប់មកអ៊ុតខោអាវបណ្ដើរ មើលទូរទស្សន៍បណ្ដើរ។
បន្ទាប់មករៀបចំបន្លែ សាច់ធ្វើ ម្ហូប។
រៀបបាយល្ងាច។
ជូតចង្ក្រាន លាងចាន។
មុជទឹកអោយកូន។ ផ្ដេកកូន។
បុរសនោះ អស់កំលាំងជាខ្លាំង តែគាត់ត្រូវមានភារកិច្ចមួយទៀត គឺរឿងស្នេហាលើគ្រែ។
ព្រឹកឡើងបុរសនោះ ប្រញាប់ប្រញាល់ ដោយមិនបង្អង់យូរ បួងសួងដល់ទេវតា សុំដូរកាយជាបុរសដូចដើមវិញ។
« ទេវតាអឺយ ខ្ញុំគិតខុសហើយ ដែលច្រណែនប្រពន្ធនៅផ្ទះ។ ទេវតាអឺយ សូមមេត្តាប្រែរូបខ្ញុំអោយដូចដើមវិញមក »
ទេវតាក៏តបទៅបុរសនោះវិញថា
« ដោយយើងឃើញថាឯងយល់នូវកំហុសរបស់ខ្លួន យល់ដឹងពីទុក្ខលំបាករបស់ប្រពន្ធ ដូច្នេះយើងនឹងប្រែកាយឯងអោយដូចដើមវិញ។ តែឯងត្រូវចាំ៩ខែទៀតសិន ព្រោះឯងមានផ្ទៃពោះ តាំងពីយប់ម៉ិញនេះ ! »
No comments:
Post a Comment