បដូចជាឃ្លាំងស្តុកទិន្នន័យដ៏សំខាន់ និងជាមេបញ្ជាការបញ្ជាទៅលើការធ្វើសកម្ម ភាពរបស់អ្នក ។ ការយល់ដឹងពីខួរក្បាលជារឿងដ៏សំខាន់ដែលអាចជួយឲ្យអ្នកអាចកំណត់គោល ដៅដ៏ត្រឹមត្រូវឆ្ពោះទៅរកជោគជ័យជាជាងបរាជ័យ ។ ខាងក្រោមជាចំណុចមួយចំនួនដែលអ្នកត្រូវយល់ដឹងពីខួរក្បាល៖
១.ហេតុអ្វីយើងចូលចិត្តរៀនពីជោគជ័យជាងបរាជ័យ?
តើអ្នកមានចាប់អារម្មណ៍ថា ខ្លួនឯងធ្វើខុសដដែលៗម្ដងហើយម្ដងទៀតទេ? យោងតាមការសិក្សារបស់ក្រុមស្រាវជ្រាវនៃ MIT’s Picower Institute for Learning and Memory រកឃើញថា កោសិកាខួរក្បាលយើងជារឿយៗតែងចាប់យករឿងល្អ ជាជាងបរាជ័យ ដែលនេះធ្វើឲ្យយើងមិនសូវផ្ដោតពីបរាជ័យ។
ក្នុងការពិសោធន៍មួយ អ្នកស្រាវជ្រាវដាក់បង្ហាញរូប លើកញ្ចក់កុំព្យូទ័រ ឲ្យសត្វស្វាមើលនៅពេលឃើញរូបភាពដែលគួរឲ្យចាប់អារម្មណ៍ ខួរក្បាលស្វាបញ្ចេញជាតិគីមីម្យ៉ាងឈ្មោះ ដូផាមីន (dopamine) ដែលជួយឲ្យវាមានភាពវិជ្ជមានសម្រាប់រូបភាពបន្ទាប់ទៀត។
លទ្ធផលនៃការសិក្សានេះបង្ហាញថា នៅពេលយើងធ្វើអ្វីមួយជោគជ័យ ខួរក្បាល និងសកម្ម ភាពមានភាពវិជ្ជមាន ខណៈដែលជួបបរាជ័យខួរក្បាលមិនសូវមានការប្រែប្រួលអ្វីនោះទេ។
២.កំណត់គោលដៅដែលខួរក្បាលចូលចិត្ត
ការប្រមូលផ្ដុំភាពជោគជ័យ មិនថា តូចឬធំ នឹងធ្វើឲ្យខួរក្បាលបញ្ចេញ ដូផាមីន (Dopamine) ដែលនាំទៅការធ្វើអ្វីដោយងាយស្រួល និងមានការច្នៃប្រឌិត។ ដូច្នេះ បើចង់កំណត់គោលដៅត្រូវជ្រើសយកគោលដៅណាមួយដែលខួរក្បាលអ្នកចូលចិត្ត។ ចុះធ្វើម៉េចដឹងថា គោលដៅមួយណាដែលខួរក្បាលចូលចិត្ត? មុននឹងកំណត់គោលដៅអ្នកអាចសម្លឹងមើលពីជោគជ័យដែលអ្នកធ្លាប់មានកន្លងមក ហើយព្យាយាមកំណត់គោលដៅថ្មី ដែលស្រដៀងនឹងសកម្មភាពជោគជ័យពីមុននោះ។
៣.បង្កើតផែនទីចិត្តសាស្ត្រនាំផ្លូវអ្នក
បង្កើតគោលដៅសម្រាប់ខ្លួនឯង ជាមួយនឹងឃ្លាដែលបង្ហាញ ពីទស្សនវិស័យដ៏ខ្លីមួយ ។ ”ទស្សន វិស័យជារូបភាពដែលយើងមើលមិនឃើញមួយសម្រាប់នាំផ្លូវ។ កម្លាំងផ្លូវចិត្តដែលយើងមិនបានដឹងពីការកំណត់ទស្សនវិស័យ សម្រាប់ខ្លួនឯងជាកម្លាំងដ៏អស្ចារ្យ ក្នុងការនាំអ្នកឆ្ពោះទៅរកជោគជ័យ។” នេះជាការលើកឡើងរបស់លោកវេជ្ជ. Richard Peterson អ្នកចិត្តសាស្ត្រ និងប្រសាទសាស្ត្រ។ ការកំណត់គោលដៅដោយមិនបានដឹងខ្លួននេះ មិនត្រឹមតែមានទំនួលខុសត្រូវ ៩០% ក្នុងការសម្រេចចិត្តនោះទេ ថែមទាំងជួយឲ្យអ្នកបំពេញការងារ ឬធ្វើសកម្មភាពប្រកបដោយភាពច្នៃប្រឌិតទៀតផង។
៤. កំណត់គោលដៅសម្រាប់រយៈពេលខ្លី
ក្រោយកំណត់គោលដៅរយៈពេលវែងដែលខួរក្បាលរបស់អ្នកចូលចិត្ត និងចក្ខុវិស័យហើយ ត្រូវបំបែកគោលដៅធំនោះជាគោលដៅរយៈពេលខ្លី។ គោលដៅរយៈពេលខ្លីគឺ មិនត្រូវលើសពីរយៈពេល ៣ ខែនោះឡើយ។ គោលដៅនោះទៀតសោត ត្រូវមានភាពច្បាស់លាស់ ជាក់លាក់ និងសមាមាត្រនិងភាពខ្លាំងរបស់អ្នក ។ សរសេរគោលដៅទាំងនោះ ដាក់ក្នុងក្រដាសឲ្យបានច្បាស់លាស់ អាចជួយឲ្យអ្នកផ្ដោតអារម្មណ៍បានច្រើន ព្រោះអាចមើលវារាល់ថ្ងៃ ។ កាលណា គោល ដៅរយៈពេលខ្លីជាអ្វីដែលអ្នកគិតថា អាចសម្រេចបាន ឬធ្លាប់ធ្វើបានជោគជ័យ នោះអ្នកនឹងធ្វើសកម្មភាពដ៏ប្រសើរ និងងាយស្រួលជាងធម្មតា។ ដូច្នេះ គួរជៀសវាងការកំណត់គោលដៅច្រើនហួសក្នុងរយៈពេលដ៏ខ្លី ឬគោលដៅដែលឆ្ងាយហួសពីសមត្ថភាពរបស់អ្នក។
បានអានចំណុចរៀបរាប់ខាងលើហើយ សង្ឃឹមថា ប្រិយមិត្តនឹងចាប់ផ្ដើមរៀបចំគោលដៅសម្រាប់ខ្លួនឯងនៅថ្ងៃនេះ។ កំណត់គោលដៅហើយ ប្រឹងប្រែងឲ្យអស់សមត្ថភាពធ្វើសកម្មភាពនានាដើម្បីសម្រេចគោលដៅទាំងនោះ ហើយចាំមើលថា តើដើមឆ្នាំ និងចុងឆ្នាំថ្មីនេះមានអ្វីខុសប្លែកខ្លះ៕
ប្រែសម្រួល៖Zac
ប្រភព៖ Entrepreneur (news.sabay)
No comments:
Post a Comment