.jpg)
ការរក្សាចំណងអាពាហ៍ពិពាហ៍ អោយបានរឹងមាំ គឺមិនមែនគ្រាន់តែជាការ រក្សាកិច្ចសន្យា ជាមួយនឹង នរណាម្នាក់ ដែលអ្នកចាប់ចិត្តនោះទេ។ វាគឺជាចំណងពេញមួយជីវិត ដែលគួរតែមាន នូវភាពអំណត់ រហូតដល់ថ្ងៃចុងក្រោយ នៃជីវិតរបស់គូស្វាមីភរិយា។ វានឹងមាននូវ ឧបសគ្គជាច្រើន ដែលអាចនឹងកើត មាន ហើយពួកវានឹង ធ្វើការសាកល្បង នូវចំណងមួយនេះ ។ ការគំរាមកំហែងទាំងនេះ អាចផ្តល់ទាំងគុណសម្បតិ្ត និង គុណវិបតិ្ត ក្នុងពេលដំណាលគ្នានេះ ។ ពួកវា មួយចំនួន គឺអាចដោះស្រាយបានយ៉ាងងាយ ហើយចំណុចមួយចំនួនផ្សេងទៀត ក៏អាច បំផ្លាញដល់ ជីវិត អាពាហ៍ពិពាហ៍របស់ អ្នកទាំងពីរបានផងដែរ ។ ទន្ទឹមនឹងនេះ វាក៏មានក្រុមមនុស្ស ដែលនៅខាងក្រៅ ក្រុមគ្រួសាររបស់អ្នក អាចចូលមកធ្វើការសាកល្បង ដល់ទំនាកទំនងរបស់អ្នកទាំងពីរ ដូចដែលយើង បានឃើញ នៅក្នុងឆាកល្ខោន ឬ ខ្សែភាពយន្តមួយចំនួន ជាដើម ។ ភាគច្រើននៃការ សាកល្បងទាំងនេះ ជារឿយៗ តែងតែស្វះស្វែង រកនូវ ស្វាមីភ័ក្តិរបស់អ្នក ទាំងពីរ ចំពោះគ្នា និង គ្នា។ ហើយក្នុងនោះ គឺមានតែ គូស្វាមីភរិយា ដែលមានទំនុកចិត្ត នឹងគ្នា ក្នុងកម្រិតខ្ពស់បំផុត ដែលអាចឆ្លងផុត នឹង បន្តរស់នៅ ក្នុង ចំណងមួយនេះ បានដោយជោគជ័យ លុះត្រាថ្ងៃវអវសាន្ត នៃជីវិតរបស់ពួកគេបានមកដល់។
សេចក្តីស្រលាញ់ ចំពោះអ្នកណាម្នាក់ គឺមិនមែនមានត្រឹមតែ ការសម្តែងនូវ អារម្មណ៍មនោសញ្ចេតនា ចំពោះដៃគូរអ្នកនោះទេ ។ ដំណាក់កាល នៃអារម្មណ៍អណ្តែតអណ្តូង វវាងគ្នានឹងគ្នា ជាធម្មតា ត្រូវបាន សាបរលាប វិញបន្ទាប់ពីអ្នក ទាំងពីររៀបការរួច (វាមិនមែនបានន័យថា វាគួរតែត្រូវបានយកចេញ ទាំងស្រុងចេញពី ជីវិតអាពាហ៍ពិពាហ៍របស់អ្នក នោះទេ) ប៉ុន្តែ ការចំណាយពេល រស់នៅជាមួយគ្នា ក្រោមដំបូលតែមួយ គឺមានដំណាក់កាល ដែលឈានដល់ចំណុចកំពូលរបស់វា ។ អ្នកអាចនឹងលង់ ស្រលាញ់ដៃគូររបស់អ្នកកាន់តែខ្លាំងជាងមុន ដោយសារតែគេជាមនុស្សតែម្នាក់ ដែលអ្នកបានឃើញ ច្រើនជាងគេ។ អ្នកនឹងមិនមានអារម្មណ៍សង្ស័យថា នឹងមាននរណាម្នាក់ផ្សេងទៀត ក្រៅពីអ្នក នៅក្នុង ជីវិតរបស់គេ ដូច្នេះហើយ ខ្លួនអ្នក នឹងព្យាយាមអស់ពីកម្លាំងកាយចិត្ត ដើម្បីចៀសវាង រាល់បញ្ហា ដែលអាច បំផ្លាញដល់ទំនាក់ទំនងរបស់អ្នកទាំងពីរ ដោយការក្រើនរំលឹកខ្លួនឯងជានិច្ចថា ស្វាមី ឬ ភរិយា របស់អ្នក គឺតែងតែមានភាពស្មោះត្រង់ចំពោះអ្នកជានិច្ច។
ចំណុចអាថ៌កំបាំង ក្នុងការរក្សានូវភាពស្មោះត្រង់ចំពោះដៃគូរអ្នក និង ធ្វើអោយពួកគេដឹងថា អ្នកពិតជា មានតម្លៃ ក្នុងការធ្វើអោយពួកគេជឿទុកចិត្តអ្នក គឺវាមានលក្ខណៈសាមញ្ញបំផុត គឺអ្នកគ្រាន់តែ និយាយវា ចេញអោយមក និង សម្តែងនូវរាល់អ្វីដែលបញ្ជាក់ពីទឹកចិត្តរបស់អ្នក ពិតប្រាកដ។ ជារៀងរាល់ថ្ងៃ បន្ទាប់ពីក្រោក ពីដំណេក អ្នកគ្រាន់តែប្រាប់ស្វាមី ឬ ភរិយារបស់អ្នកថា តើអ្នកស្រលាញ់ពួកគេ ខ្លាំងកម្រិតណា ហើយអ្នក នឹងមិនលង់ស្រលាញ់ នរណាម្នាក់ផ្សេងក្រៅពីនាង ឬ គាត់នោះទៀតទេ។ ពាក្យដដែលៗទាំងនេះ នឹងអាច ជម្រុញដល់ទេពកោសល្យរបស់អ្នក ក្នុងការបញ្ចេញនូវ ក្តីស្រលាញ់ នឹងធ្វើអោយដៃគូររបស់អ្នក កាន់តែជឿទុកចិត្តស្រលាញ់អ្នក នឹង ផ្តល់អោយអ្នកវិញផងដែរនូវ ពាក្យផ្អែមល្ហែមទាំងនេះ។ទន្ទឹមនឹងការនិយាយសម្តែងចេញនូវអារម្មណ៍នេះ អ្នកក៏គួរតែប្រើនូវ ភាសា កាយវិការ នៃសេចក្តីស្នេហា ចំពោះនាង ឬ គាត់បានផងដែរ។
ការប្រកាន់ភ្ជាប់នូវ ភាពស្មោះត្រង់ ក្នុងចំណងអាពាហ៍ពិពាហ៍ គឺជាវិញ្ញាសារប្រលង ដ៏ធំមួយ នៅក្នុង ជីវិត។ ប៉ុន្តែជាមួយនឹងក្តីស្រលាញ់ ដ៏លើសលុប រវាងគ្នា និង គ្នា គឺថា គ្មានបំណងប្រាថ្នាអ្វី ដែលមិនអាច ទៅរួច ចំពោះអ្នកទាំងពីរនោះទេ ៕
No comments:
Post a Comment