.jpg)
នៅពេលស្ត្រីមានផ្ទៃពោះផឹកស្រា ជាតិស្រានឹងរត់ទៅដល់កូនយ៉ាងលឿនតាមរយៈចរន្តឈាម និងទងសុក។ ស្ត្រីដែលផឹកស្រារហូតដល់ ៦ដងក្នុងមួយថ្ងៃងាយនឹងធ្វើអោយទារកនៅក្នុងផ្ទៃប្រឈមនឹងជំងឺចង្កោមរោគសញ្ញាកូនពុលនឹងជាតិអាលកុលរបស់ស្រា (Fetal Alcohol Syndrome, FAS)ណាស់ ។ ក្មេងដែលកើតមកមានជំងឺ FAS នឹងទទួលរងនូវភាពយឺតយ៉ាវក្នុងការលូតលាស់ខាងស្មារតី និងរាងកាយ, ឥរិយាបថមានបញ្ហា និងទម្រងមុខ ព្រមទាំងបេះដូងមិនគ្រប់លក្ខណៈ។ ចំពោះស្ត្រីមានផ្ទៃពោះដែលផឹកស្រាច្រើនជាងពីរដងក្នុងមួយថ្ងៃ អាចធ្វើឱ្យកូនកើតមកការប្រឈមមុខយ៉ាងខ្លាំងចំពោះបញ្ហាជាច្រើនដូចជា ការរៀននិយាយ, ការយកចិត្តទុកដាក់, ភាសា និងរពិសជាងក្មេងដែលកើតពីផ្ទៃម្តាយដែលមិនផឹកស្រា។ បញ្ហាអស់ទាំងនេះសុទ្ធតែត្រូវបានគេចាត់ទុកថាជាឥទ្ធពលរបស់ស្រាចំពោះទារកនៅក្នុងផ្ទៃ ហើយទោះបីជាឥទ្ធិពលនេះមានលក្ខណៈតិចតួចនិងមិនសូវជាធ្ងន់ធ្ងរ ជាង FAS ក៏ដោយ ក៏វានៅតែជាភាពគ្រោះថ្នាក់ដែរ។
ការជក់បារីច្រើនជាងកន្លះកញ្ចប់ក្នុងមួយថ្ងៃប្រហែលជាធ្វើឱ្យស្ត្រីមិនអាចមានកូនបាន ឬរដូវមកមិនទៀងទាត់ ព្រមទាំងរ៉ាំងរដូវលឿនជាងស្ត្រីដែលមិនជក់បារី។
ស្ត្រីមានផ្ទៃពោះកាលណាជក់បារីគឺមិនខុសគ្នានឹងការផឹកស្រានោះទេ មានន័យថាពួកគេនឹងបញ្ជូនសារធាតុគីមីដែលមានក្នុងបារីនោះចូលទៅក្នុងកូននៅក្នុងផ្ទៃតាមរយៈទងសុក។ ស្ត្រីដែលជក់បារីក្នុងពេលមានផ្ទៃពោះអាចនឹងបន្ថយល្បឿននៃការលូតលាស់របស់កូនតាមរយៈការកាត់បន្ថយចំនួនអុកស៊ីសែន និងបង្កើនសារធាតុកាបូនម៉ូណូអុកស៊ីតឱ្យកូនទៅវិញ ដែលជាហេតុនាំអោយមានផលវិបាកក្នុងការលូតលាស់ប្រព័ន្ធខួរក្បាល និងសរសៃប្រសាទ។
ក្មេងដែលកើតមកពីម្តាយដែលជក់បារីជាញឹកញាប់ ជាមធ្យមតែងមានទម្ងន់ស្រាលជាងក្មេងដទៃទៀត ១៩៨,៤៥ក្រាម។ ការជក់បារីក្នុងពេលមានផ្ទៃពោះក៏បង្កើនឱកាសកាន់តែច្រើនក្នុងការរលូតកូនភ្លាមៗ, កូនស្លាប់ក្នុងពោះ និងកូនកើតមិនគ្រប់ខែ។ ស្ត្រីដែលជក់បារីប្រឈមមុខកាន់តែខ្ពស់ក្នុងការកើតមកមិនមានកាយសម្បទាគ្រប់លក្ខណៈ ឬកើតមកមិនធម្មតា។
កាលពីឆ្នាំ ២០០២ ស្ត្រីមានផ្ទៃពោះជក់បារីប្រមាណ ១១,៤ភាគរយ។ ម្តាយជាមនុស្សដែលអាចបញ្ជូនសារធាតុនីកូទីនទៅឱ្យកូនរបស់ពួកគេបានតាមរយៈការបំបៅដោះកូន។ ទារកដែលកើតពីម្តាយដែលជក់បារីទំនងជាងាយនឹងមានជំងឺផ្តាសាយ, រលាកទងសួត, និងជំងឺផ្លូវដង្ហើមផ្សេងៗទៀតណាស់ដូចជា ជំងឺហឺតជាដើម៕
No comments:
Post a Comment