អ្នកស្រាវជ្រាវបានកំណត់នូវហ្សែនដែលត្រូវបានផ្សារភ្ជាប់ជាមួយនឹងការលើសទម្ងន់ និងធាត់ចំពោះអ្នកដែលមានជំងឺផ្លូវចិត្ត និងមនុស្សធម្មតា។វាត្រូវបានគេដឹងថា ហ្សែន CRTC1 ត្រូវបានពាក់ព័ន្ធចំពោះការធាត់ និងលំនឹងថាមពល (កាឡូរីដែលត្រូវបានយកមកដោយការញ៉ាំ និងផឹក ទល់នឹងកាឡូរីដែលត្រូវបានដុតដោយការធ្វើលំហាត់ប្រាណ) ចំពោះសត្វ, ប៉ុន្តែមុខងារនេះចំពោះមនុស្សមិនត្រូវបានគេដឹងនៅឡើយទេ។
នៅក្នុងការស្រាវជ្រាវនេះ, អ្នកស្រាវជ្រាវបានពិនិត្យមើលថា ទស្សនៈខុសគ្នានៃហ្សែន CRTC1 ត្រូវបានផ្សារភ្ជាប់ទៅនឹងការឡើងទម្ងន់ចំពោះអ្នកជំងឺផ្លូវចិត្ត និងមនុស្សធម្មតា។
អេវ៉ា ជួង (Eva Choong) ដែលមកពីសាកលវិទ្យាល័យ Lausanne បាននិយាយថា លទ្ធផលរបស់យើងបានបង្ហាញថា ហ្សែន CRTC1 ដើរតួសំខាន់នៅក្នុងអត្រាខ្ពស់នៃការឡើងទម្ងន់ និងធាត់ដែលត្រូវបានសង្កេតឃើញចំពោះអ្នកជំងឺផ្លូវចិត្ត។ ក្រៅពីនេះ, ហ្សែន CRTC1 អាចដើរតួនៅក្នុងសេនេទិចនៃភាពធាត់ចំពោះប្រជាជនទូទៅផងដែរ, ដោយហេតុនោះ ត្រូវបង្កើនការយល់ដឹងនៃចលនការជាច្រើនដែលជះឥទ្ធិពលនៃការធាត់។
ការស្រាវជ្រាវត្រូវបានចេញផ្សាយនៅក្នុងកាសែត JAMA Psychiatry។
អ្នកស្រាវជ្រាវក៏បានរកឃើញពីការផ្សារភ្ជាប់គ្នាយ៉ាងខ្លាំងចន្លោះហ្សែន CRTC1 និងកម្រិតខ្លាញ់ចំពោះស្ត្រីវ័យក្មេងអាយុតិចជាង៤៥ឆ្នាំ។ ការស្រាវជ្រាវនេះបង្ហាញពី តម្រូវការនៃការស្រាវជ្រាវទៅថ្ងៃក្រោយទៅលើការផ្សារភ្ជាប់គ្នារវាងកម្រិតខ្លាញ់ និងការចំលងនៃហ្សែននេះ៕
No comments:
Post a Comment