តើ​ខ្ញុំ​អាច​សុំ​សម្រាលកូន​ដោយ​ការវះកាត់​បាន​ដែរឬទេ​?

ត្រួតពិនិត្យ​ដោយ​គ្រូពេទ្យwww.health.com.kh​

ថ្ងៃទី21 មីនា ឆ្នាំ2014

​គ្រូពេទ្យ​មិន​ជម្រុញ​នោះ​ទេ​រហូត​ដល់​ថ្ងៃ​ដែល​កូន​របស់​អ្នក​ត្រូវ​កើត​។ ប៉ុន្តែ​ការ​សម្រាលកូន​ដោយ​ការវះកាត់​ជាធម្មតា​ត្រូវបាន​គេ​ដាក់​ចំពោះ​ស្ត្រី​ដែលៈ​

• មាន​ហានិភ័យ​ខ្ពស់​
• ធ្លាប់​ធ្វើការ​សម្រាលកូន​ដោយ​ការវះកាត់​ពីមុន ឬ​ធ្លាប់​មាន​ការវះកាត់​ស្បូន​ពីមុន​
• មាន​បញ្ហា​នៃ​សុក ដូចជា​សុក​ពាំង​មាត់ស្បូន​ជាដើម​
• មាន​ភាពមិនធម្មតា​នៃ​កូន​
• កូន​ដែល​មាន​ទីតាំង​មិន​ត្រឹមត្រូវ​

​ទោះបីជា​វា​អាច​កំពុងតែ​ប៉ុនប៉ង​សាកល្បង​កំនត់​ថ្ងៃ​នៃ​ការកើត ហើយ​ចៀសវាង​ការឈឺ​ពេល​សម្រាល​, ការ​សម្រាលកូន​ដោយ​ការវះកាត់​មិនគួរ​ធ្វើ​ភ្លាមៗ​នោះទេ​។ ការ​សម្រាលកូន​ដោយ​ការវះកាត់​ត្រូវបាន​គេ​ចាត់ទុកថា​ជា​ការវះកាត់​មួយ​ធំ ហើយ​ដូច​ទៅ​នឹង​ការវះកាត់​ដទៃទៀត​ដែល​មាន​ហានិភ័យ​ខ្ពស់​ជាមួយនឹងៈ​

• ការ​ហូរឈាម​
• ការឆ្លង​មេរោគ​
• ការ​ប៉ះ​ទៅលើ​ពោះវៀន ឬ​ប្លោកនោម​
• មាន​ប្រតិកម្ម​ទៅ​នឹង​ថ្នាំ​
• កំណក​ឈាម​
• ស្លាប់ (​កម្រ​កើតមាន​)
• គ្រោះថ្នាក់​ទៅ​លើ​កូន​

ហានិភ័យ​ដទៃ​ទៀត​នៃ​ការ​សម្រាលកូន​ដោយ​ការវះកាត់​ដែល​មិន​សំខាន់ ការ​សម្រាលកូន​មិន​គ្រប់​ខែ​។ ហេតុអ្វី​? ដោយសារ​តែ​ថ្ងៃ​ដែល​គេ​រំពឹង​ថា​សម្រាល​អាច​ខុស​។ ថ្ងៃនោះ គឺ​៤០​សប្តាហ៍​ពី​ការបាត់​រដូវ​ដំបូង​។ ប្រសិនបើ​អ្នក​សម្រាលកូន​នៅ​ថ្ងៃ​ដែល​រំពឹង​ទុក​, កូន​របស់​អ្នក​គឺ​អាយុ​ប្រហែល​៣៨​សប្តាហ៍ នេះ​ដោយសារ​តែ​ស៊ុត​របស់​អ្នក​មិន​ក្លាយ​ជា​បង្ក​កំណើត​រហូត​ប្រហែល​២​សប្តាហ៍​ក្រោយពី​ចាប់ផ្តើម​មាន​រដូវ​ចុងក្រោយ​។​

​ស្ត្រី​ដែល​មាន​រដូវ​មិន​ទៀងទាត់ ឬ​មាន​ការ​ហូរឈាម​នៅ​ត្រីមាស​ដំបូង​អាច​មាន​កំហុស​នៃ​ការមើល​។ ទោះបីជា​អេកូ​អាច​ជួយ​ធ្វើអោយ​វា​កាន់តែ​កៀក​គ្នា​ក៏ពិតមែន​, ប៉ុន្តែ​ថ្ងៃ​ដែល​ត្រូវបាន​ប៉ាន់ស្មាន​អាច​ខុស​គ្នា​ប៉ុន្មាន​សប្តាហ៍​។​

​ទារក​ដែល​កើត​មិន​គ្រប់​ខែ​យឺត ជាទូទៅ​មាន​សុខភាព​ល្អ​ធម្មតា ប៉ុន្តែ​អាច​មាន​បញ្ហា​មួយចំនួន​ដូចជា ការចេញ​លឿង​, បញ្ហា​នៃ​ការ​បៅ​, បញ្ហា​នៃ​ដង្ហើម ឬ​ភាពលំបាក​នឹង​ការរក្សា​សីតុណ្ហភាព​នៃ​ខ្លួន​។​

​ទោះបីជា​ការ​សម្រាល​ដោយ​ធម្មជាតិ​អាច​ហាក់ដូចជា​គួរអោយខ្លាច និង​មិន​អាច​ព្យាករណ៍​បាន​នោះ​, ការ​សម្រាលកូន​តាម​ទ្វារមាស​ជាធម្មតា​មាន​ហានិភ័យ​តិចជាង​ការ​សម្រាលកូន​ដោយ​ការវះកាត់​។ លើសពីនេះ​, អ្នក​អាច​ទៅ​ផ្ទះ​លឿន​ជាង និង​ឆាប់​ជា​ជាមួយនឹង​ការ​សម្រាលកូន​តាម​ធម្ម​ជាតិ៕