ត្រួតពិនិត្យដោយគ្រូពេទ្យwww.health.com.kh
ថ្ងៃទី24 មីនា ឆ្នាំ2014
ជំងឺខ្វះកោសិកាឈាមក្រហម(Anemia)មិនមែនជាជំងឺកើតឡើងដោយខ្លួនឯងនោះទេតែវាជាលទ្ធផលមកពីកង្វះអាហារូបត្ថម្ភ។ ទោះជាយ៉ាងណាវាអាចជារោគសញ្ញានៃជំងឺធ្ងន់ធ្ងរដទៃទៀតដូច្នេះការសម្គាល់រោគសញ្ញាជាក់លាក់នៃជំងឺខ្វះកោសិកាឈាមក្រហមអាចមានផលប្រយោជន៍។ រោគសញ្ញានៃជំងឺខ្វះកោសិកាឈាមក្រហម(Anemia)ធ្ងន់ធ្ងរអាចរួមមានបេះដូងលោតញាប់ វិលមុខ ឈឺក្បាល ហ៊ឹងត្រចៀក ឆាប់ខឹង ស្លេក
ស្បែក និងការភាន់ច្រលំ។ កង្វះវីតាមីនB១២ ឬកង្វះអាស៊ីតហ្វូលិច(B9)អាចបណ្តាលអោយមាត់ និងអណ្តាតរបស់អ្នកឡើងហើម។ រោគសញ្ញាទាំងនេះអាចនឹងស្តាប់ទៅគួរអោយខ្លាច ប៉ុន្តែទម្រង់ជាទូទៅបំផុតនៃជំងឺខ្វះកោសិកាឈាមក្រហម(Anemia)គឺមានភាពងាយស្រួលក្នុងការព្យាបាល ជាពិសេសប្រសិនបើដឹងបានឆាប់រហ័ស។
រោគសញ្ញានៃជំងឺខ្វះកោសិកាឈាមក្រហម(Anemia)កម្រិតស្រាលទៅមធ្យម:
- ខ្សោយ
- អស់កម្លាំង
- ពិបាកដកដង្ហើម
រោគសញ្ញានៃជំងឺខ្វះកោសិកាឈាមក្រហម(Anemia)ពីកម្រិតមធ្យមទៅធ្ងន់ធ្ងរៈ
- បេះដូងលោតញាប់
- វិលមុខ
- ឈឺក្បាល
- ហ៊ឹងត្រចៀក
- ស្បែកស្លេក(ជាពិសេសបាតដៃ)
- ជ្រុះសក់
- ភាន់ច្រឡំ
រោគសញ្ញាជាក់លាក់នៃជំងឺខ្វះកោសិកាឈាមក្រហម(Anemia)ដែលមកពីខ្វះវីតាមីនB៩ និងB១២
- ហើមមាត់ ឬអណ្តាត
- ស្ពឹក ឬចាក់ឈៀបៗ
- ធ្លាក់ទឹកចិត្ត និង/ឬឆាប់ខឹង
- បាត់បង់ការចងចាំ៕
No comments:
Post a Comment