.jpg)
ការស្រាវជ្រាវដែលមិនត្រូវបានសង្កេតឃើញក្នុងចំនោមមនុស្សស្រី, ត្រូវបានពឹងផ្អែកលើប្រវត្តិនៃការបាក់ឆ្អឹងនៃបុរស និងស្ត្រីជនជាតិស្បែកសជិត ១០០.០០០នាក់, ជាមនុស្សវ័យកណ្តាល និងមនុស្សចាស់ ដែលបមានទម្លាប់នៃការផឹកទឹកដោះគោនៅពេលវ័យជំទង់។
ដីយ៉ាណេ ហ្វេសកានីក (Diane Feskanich) បាននិយាយថា ខ្ញុំមិនចាត់ទុកការស្រាវជ្រាវនេះថានឹងធ្វើអោយមានការផ្លាស់ប្តូរព័ត៌មានជាសាធារណៈបាននោះទេ។ ប៉ុន្តែទោះបីជាយើងពិតជាសំដៅទៅលើការផឹកទឹកដោះយ៉ាងណាក៏ដោយ, ប៉ុន្តែយើងមិនមានការស្រាវជ្រាដែលបង្ហាញថា អ្នកផឹកទឹកដោះនៅពេលកុមារ ហើយចាំមើល៥០ឆ្នាំ ទៅ៦០ឆ្នាំក្រោយដើម្បីមើលពីអ្វីដែលកើតឡើងអំពីការបាក់ឆ្អឹងនោះទេ។
ហ្វេសកានីក ដែលជាសាស្ត្រាចារ្យរងនៅសាលាវេជ្ជសាស្ត្រ Harvard បាននិយាយថា អ្វីដែលយើងបានរកឃើញ គឺមានការភ្ញាក់ផ្អើលតិចតួច។ ការផឹកទឹកដោះអំឡុងពេលវ័យជំទង់ត្រូវបានផ្សារភ្ជាប់ជាមួយនឹងការកើនឡើងហានិភ័យនៃការបាក់ឆ្អឹងក្នុងចំនោមបុរស ប៉ុន្តែមិនចំពោះស្ត្រីនោះទេ។
អ្នកស្រាវជ្រាវបាននិយាយថា ទឹកដោះគោ ត្រូវបានគេដាក់លក់ដូចជាផ្នែកមួយសំខាន់នៃអាហាររបស់មនុស្សពេញវ័យ។ ការណែនាំថ្មីៗដោយផ្នែកកសិកម្មអាមេរិកបានអោយដឹងថា មនុស្សវ័យជំទង់គួរតែផឹកទឹកដោះគោយ៉ាងហោចណាស់៣កែវក្នុងមួយថ្ងៃៗ។
អ្នកស្រាវជ្រាវបាននិយាយថា គោលបំនងនៃការណែនាំនេះ គឺដើម្បីធានាពីការលូតលាស់របស់ឆ្អឹង និងសុខភាពអំឡុងពេលវ័យជំទង់។ ប៉ុន្តែពួកគេក៏បាននិយាយថា ការខ្ពស់ដែលអាចជម្រុញដោយការផឹកទឹកដោះគោ ត្រូវបានផ្សារភ្ជាប់ទៅនឹងហានិភ័យខ្ពស់នៃការបាក់ឆ្អឹង។ អ្នកស្រាវជ្រាវបានវិភាគពីគម្រូនៃទឹកដោះគោដែលត្រូវបានផឹកដោយមនុស្សជំទង់។
អ្នកចូលរួមទាំងអស់គឺជាជនជាតិស្បែកស ហើយមានប្រវត្តិផឹកទឹកដោះគោនៅពេលដែលពួកគេអាយុ១៣ឆ្នាំ ទៅ១៨ឆ្នាំ។ បុរសជាង៣៥.០០០នាក់ និងស្ត្រីជិត៦២.០០០នាក់ត្រូវបានគេតាមដានអស់រយៈពេល២២ឆ្នាំ។ អំឡុងពេលនោះ, ការបាក់ឆ្អឹង៤៩០នាក់បានកើតមានឡើងក្នុងចំនោមបុរស និងជាង១.២០០នាក់បានកើតមានឡើងក្នុងចំនោមស្ត្រី។
ដំបូង, អ្នកស្រាវជ្រាវបានមើលទៅលើចំនួននៃកត្តាដែលអាចជះឥទ្ធិពលដែលមានដូចជា កត្តាចំណីអាហារ, ទម្ងន់, ប្រវត្តិនៃការជក់បារី, គម្រូនៃការធ្វើលំហាត់ប្រាណ, ការប្រើថ្នាំ និងទម្លាប់នៃការផឹកទឹកដោះគោ។ បន្ទាប់មក ពួកគេបានកំណត់ថា ហានិភ័យនៃការបាក់ឆ្អឹងត្រគាកចំពោះបុរស បានកើនឡើង៩%ចំពោះអ្នកដែលបានផឹកទឹកដោះគោជារៀងរាល់ថ្ងៃកាលពីពេលវ័យជំទង់។
ទោះជាយ៉ាងណាក៏ដោយ, មិនមានការកើនឡើងហានិភ័យនៃការបាក់ឆ្អឹងត្រូវបានឃើញក្នុងចំនោមក្មេងស្រីដែលបានផឹកទឹកដោះគោច្រើននោះទេ។ នៅពេលដែលអ្នកមើលពីភាពខុសប្លែកគ្នាពីបុរស និងស្ត្រី, មានហេតុផលជាច្រើនដែលត្រូវសួរថាតើមានបញ្ហាមួយចំនួនជាមួយនឹងការស្រាវជ្រាវឬយ៉ាងណា។
ដំបូងបង្អស់, មូលដ្ឋានគ្រឹះសរីរៈវិទ្យាក្នុងចំនោមបុរស និងស្ត្រីអាចមានភាពដូចគ្នា ដោយសារតែកាល់ស្យូម គឺជាសារធាតុចម្បងមួយនៅក្នុងឆ្អឹងរបស់យើង។ តាមការស្រាវជ្រាវដោយយោងតាមសមាមាត្របានបង្ហាញថា ការផឹកទឹកដោះគោនឹងធ្វើអោយបុរសខ្ពស់ជាង និងទំនោរជាងាយបាក់ឆ្អឹងជាងស្ត្រី ប៉ុន្តែការទាក់ទងទៅនឹងកម្ពស់ មិនគួរខុសគ្នាចំពោះបុរស និងស្ត្រីនោះទេ។
គាត់បាននិយាយថា វាមានរឿងជាច្រើនដែលមនុស្សភេទទាំងពីរ និងការនិយាយពីឆ្អឹង, ក្មេងប្រុស និងក្មេងស្រីមានការវិវត្តខុសគ្នា៕
No comments:
Post a Comment