ការ​ឈឺទ្រូង​ចំពោះ​ស្ត្រី​មិន​បញ្ជាក់ថា​ជាការ​គាំងបេះដូង​នោះទេ​

ការស្រាវជ្រាវ​ថ្មី​បានអោយដឹងថា ការ​ឈឺទ្រូង​មិនមែនជា​រោគសញ្ញា​ដែល​គ្រូពេទ្យ​អាច​ប្រើ​ដើម្បី​ធ្វើ​រោគវិនិច្ឆ័យ​យ៉ាង​ត្រឹមត្រូវ​ថា​ស្ត្រី​នឹង​ទទួលរង​នឹង​ការ​គាំងបេះដូង​ធ្ងន់ធ្ងរ​នោះ​ទេ​។​

​អ្នកស្រាវជ្រាវ​ជនជាតិ​ស្វីស​ដែល​មក​ពី​សាកលវិទ្យា​ល័យ​មន្ទីរពេទ្យ Basel បាន​និយាយថា ការសង្កេត​លើ​ស្ត្រី​ប្រហែល​៨០០​នាក់ និង​បុរស​១.៧០០​នាក់​បាន​រកឃើញថា ស្ត្រី​ទំនង​ទទួល​រង​នឹង​ប្រភេទ​ដូចគ្នា​នៃ​ការ​ឈឺទ្រូង​ដូច​ទៅ​នឹង​បុរស​ដែល​កើត​មាន​អំឡុងពេល​គាំងបេះដូង​ដែរ​។​

​ទោះជា​យ៉ាងណា​ក៏ដោយ​, ភាគច្រើន​រោគសញ្ញា​នៃ​ការ​ឈឺទ្រូង​ដែល​ត្រូវបាន​ប្រាប់​ដោយ​ស្ត្រី មិន​អាច​ប្រាប់​ថា​មានការ​គាំងបេះដូង​ហើយ​ទាត់​ចោល​ពី​មូលហេតុ​ដទៃ​ទៀត​ទេ​។​

​គ្រូពេទ្យ​បាន​និយាយថា ការស្រាវជ្រាវ​ដែល​ត្រូវ​បាន​ចេញផ្សាយ​នៅក្នុង​កាសែត JAMA Internal Medicine បាន​ផ្តល់​នូវ​ការបង្ហាញ​ថា គ្រូពេទ្យ​នៅ​ផ្នែក​សង្គ្រោះបន្ទាន់​គួរតែ​ប្រើ​នូវ​តេស្ត​មើល​បេះដូង​ដើម្បី​ធ្វើ​រោគវិនិច្ឆ័យ​ពី​ការ​គាំងបេះដូង​នេះ​។​

​វេជ្ជបណ្ឌិត ស៊ូ​សាន ស្តេន​ប៊ូម (Suzanne Steinbaum) ដែល​មក​ពី​មន្ទីរពេទ្យ Lenox Hill បាន​និយាយថា គ្រូពេទ្យ​អាច​ធ្វើការ​ខ្លាំង​ដើម្បី​ព្យាយាម​ធ្វើ​រោគវិនិច្ឆ័យ​នៃ​ជំងឺ​បេះដូង​តាមរយៈ​ការ​វាស់​ចង្វាក់បេះដូង និង​ការមើល​ត្រូប៉ូនី​ន (troponins) ដោយសារតែ​មិន​មាន​កម្មវត្ថុ​ទាំងនេះ​, វា​ពិបាក​ដើម្បី​ប្រាប់​ពី​ស្ថានភាព​បេះដូង​របស់​ស្ត្រី​។ រោគសញ្ញា​មិន​លេច​ចេញ​អោយ​យើង​ដឹង​នោះទេ​។ យើង​ត្រូវតែ​ប្រើ​ឧបករណ៍​ក្នុងការ​ធ្វើ​រោគវិនិច្ឆ័យ​ដែល​យើង​មាន​។​

​ទោះជា​យ៉ាងណា​ក៏ដោយ​, គ្រូពេទ្យ​មួយចំនួន​បានបង្ហាញ​ការព្រួយបារម្ភ​ថា ការស្រាវជ្រាវ​ទាំងនេះ នឹង​ផ្តល់អោយ​ស្ត្រី​មិន​រវល់​ពី​ការ​ឈឺទ្រូង​ដែល​នឹង​ត្រូវ​បញ្ចូន​ពួកគេ​មក​មន្ទីរពេទ្យ​ដើម្បី​ធ្វើការ​ពិនិត្យ​នោះ​។​

​វេជ្ជបណ្ឌិត នី​កា ហ្គូល​បឺក (Nieca Goldberg) ជា​គ្រូពេទ្យ​ឯកទេស​ជំងឺ​បេះដូង​នៅ​មជ្ឈមណ្ឌល​វេជ្ជសាស្ត្រ NYU Langone បាន​និយាយថា យើង​បាន​ប្រើ​នូវ​រោគសញ្ញា​ដើម្បី​ព្យាយាម​ជម្រុញ​អោយ​មនុស្ស​មក​មន្ទីរពេទ្យ ប៉ុន្តែ​យើង​មិន​ដែល​ធ្វើ​រោគវិនិច្ឆ័យ​ឃើញ​ពី​ការ​គាំងបេះដូង​ដោយ​រោគសញ្ញា​នោះ​តែ​មួយ​មុខ​នោះ​ទេ​។ ប្រសិនបើ​អ្នក​ធ្លាប់​មាន​ការ​ឈឺទ្រូង​, រឿង​ល្អ​បំផុត​គឺ អ្នក​ត្រូវ​ទៅ​មន្ទីរពេទ្យ​អោយបាន​ឆាប់​បំផុត​ដែល​អាច​ធ្វើទៅបាន​៕