.jpg)
ខ្ទឹមស
ខ្ទឹមស គឺជាបន្លែមួយប្រភេទដែលមានក្លិនខ្លាំង និងមានឥទ្ធិពលខ្លាំង។
សារធាតុសកម្ម allicin ជួយអោយកោសិកាមានសុវត្ថិភាពពីដំណើរការនៃការបំផ្លាញកោសិកាដែលអាចបណ្តាលអោយមានជំងឺរ៉ាំរ៉ៃធ្ងន់ធ្ងរ។ ខ្ទឹមស គឺជាអ្នកប្រឆាំងនឹងមេរោគពីធម្មជាតិ, វាការពារជំងឺមហារីក, ប្រយុទ្ធប្រឆាំងនឹងការឆ្លងមេរោគ និងការពារជំងឺផ្តាសាយ។
ការស្រាវជ្រាវក៏បានសង្កត់ធ្ងន់ថា ខ្ទឹមសអាចការពារ ឬបន្ថយជំងឺរ៉ាំរ៉ៃដែលត្រូវបានផ្សារភ្ជាប់ជាមួយនឹងការកើនឡើងនៃអាយុ ដូចជាការក្រិនសរសៃឈាម, ជំងឺដាច់សរសៃឈាមខួរក្បាល, ជំងឺមហារីក, ជំងឺនៃប្រព័ន្ធភាពស៊ាំ, ជំងឺភ្នែកឡើងបាយ និងជំងឺរលាកសន្លាក់ជាដើម។
ខ្ទឹមបារាំង
ខ្ទឹមបារាំងគឺសំបូរទៅដោយ quercetin ដែលជាអ្នកប្រឆាំងនឹងអុកស៊ីតកម្មដ៏មានអានុភាពដែលអាចបន្ថយហានិភ័យនៃជំងឺមហារីកបាន។
ដូចទៅនឹងខ្ទឹមសដែរ, ខ្ទឹមបារាំងក៏ផ្សំពីសារជាតិ allicin។ ខ្ទឹមបារាំងក៏ផ្សំពី anthocyanins ដែលជាអ្នកប្រឆាំងអុកស៊ីតកម្មដែលជួយអោយមនុស្សមានសុខភាពល្អ។ បន្ថែមពីលើនេះ, វាក៏មានមុខងារការពារ និងធ្វើអោយជាសះស្បើយដល់ជំងឺមហារីក, quercetin ដែលត្រូវបានរកឃើញនៅក្នុងខ្ទឹមបារាំងនោះធ្វើអោយមនុស្សមានសុវត្ថិភាពពីការព្យាបាលបញ្ហាអាឡែស៊ី ហើយវាក៏ជួយការពារជំងឺបេះដូង និងបន្ថយសម្ពាធឈាមផងដែរ។
ផ្សិត
ផ្សិតមានសមត្ថភាពដើម្បីជម្រុញដល់សកម្មភាពប្រព័ន្ធភាពស៊ាំ ពោលគឺកោសិកា NKT។
កោសិកា NKT ទាំងនេះវាយប្រហារ និងបំផ្លាញកោសិកាដែលត្រូវបានខូចខាត ឬត្រូវបានឆ្លងមេរោគដោយសារពពួកមេរោគវីរុស។ ផ្សិតត្រូវបានផ្សារភ្ជាប់ជាមួយនឹងការបន្ថយការកើតមានជំងឺមហារីកភាគច្រើនបំផុត និងបន្ថយហានិភ័យនៃជំងឺមហារីកសុដន់ចំពោះស្ត្រី។ ពួកវាការពារការខូចខាត DNA, ពន្យឺតកោសិកាមហារីក ឬការរីកលូតលាស់របស់ដុំសាច់ និងការពារដុំសាច់ពីការទទួលឈាម។
ផ្លែប៉េងប៉ោះ
ផ្លែប៉េងប៉ោះគឺជាបន្លែសំបូរទៅដោយអ្នកប្រឆាំងអុកស៊ីតកម្ម lycopene ដែលជាសារធាតុការពារជំងឺមហារីក ពិសេសជំងឺមហារីកក្រពេញប្រូស្តាត។
ផ្លែប៉េងប៉ោះក៏មាននូវសារជាតិ beta carotene ខ្ពស់ដែលជម្រុញដល់ប្រព័ន្ធភាពស៊ាំផងដែរ។
ដំឡូងក្រហម
ដំឡូងក្រហមគឺសំបូរទៅដោយជាតិដែក និងផលិតកោសិកាគ្រាប់ឈាមសដើម្បីប្រឆាំងនឹងជំងឺ។ ពួកវាក៏ភ្ញោចអោយផលិតកោសិកាគ្រាប់ឈាមក្រហម និងផ្តល់ភាពប្រសើរឡើងដល់ការស្រោចស្រពអុកស៊ីសែនទៅលើកោសិកា។ ដំឡូងក្រហមក៏ការពារជំងឺមហារីក និងជំងឺបេះដូង ហើយវាធ្វើអោយសរីរៈរបស់អ្នកមានសភាពល្អផងដែរ។ ដំឡូងក្រហមក៏សំបូរទៅដោយជាតិសរសៃ និងផ្តល់សុខភាពដល់ប្រព័ន្ធរំលាយអាហារផងដែរ។
ស្ពៃបៃតងចាស់
ស្ពៃបៃតងចាស់ គឺសំបូរទៅដោយ beta carotene ដែលខ្លួនរបស់យើងបម្លែងវាទៅជាវីតាមីន A។ស្ពៃខ្មៅជួយការពារជំងឺមហារីក និងជំងឺបេះដូង ហើយវាសំបូរទៅដោយជាតិស័ង្កសីដែលមានមុខងារប្រយុទ្ធប្រឆាំងនឹងជំងឺ។
វីតាមីន C ជួយអ្នកធន់នឹងជំងឺផ្តាសាយ និងការឆ្លងមេរោគ ហើយវាធ្វើអោយស្បែករបស់អ្នកមានសុខភាព, វីតាមីន B ជួយអោយអ្នកស្ងប់ស្ងាត់ និងផ្តល់ថាមពលដល់អ្នក។
ផ្លែម្ទេសផ្លោក
ម្ទេសផ្លោកគឺសំបូរទៅដោយជាតិ beta carotene ដែលវាមានសមត្ថភាពក្នុងការបម្លែងទៅជាវីតាមីន A។ វីតាមីន A ធ្វើអោយប្រព័ន្ធភាពស៊ាំខ្លាំងក្លាប្រយុទ្ធប្រឆាំងនឹងជំងឺ។
ដំឡូងជ្វា
ដំឡូងជ្វាមានសារជាតិប្រឆាំងនឹងអុកស៊ីតកម្ម ដែលវាមានសមត្ថភាពខ្ពស់ក្នុងការប្រឆាំងនឹងជំងឺមហារីក និងប្រឆាំងនឹងពពួកវីរុស។ ពួកវាក៏សំបូរទៅដោយជាតិសរសៃ និងវីតាមីន E ដែលល្អសម្រាប់សុខភាពស្បែកផងដែរ៕
No comments:
Post a Comment