ចំពោះបុរស ចំណង់ផ្លូវភេទត្រូវបានគ្រប់គ្រងដំបូងគេដោយសារអ័រម៉ូនតេស្តូស្តេរ៉ូន។ ប្រភពដ៏សំខាន់ដែលគ្រប់គ្រងចំណង់ផ្លូវភេទរបស់ស្ត្រីដូចជាមិនមែនងាយស្រួលសម្គាល់ដឹងក្នុងការធ្វើអោយមនុស្សស្រីងាយនឹងមានចំណង់ផ្លូវភេទកាន់តែខ្លាំងឡើយ។ ដល់ពេលមានការប្រែប្រួលចំណង់ផ្លូវភេទ អ្នកឯកទេសច្រើនតែចោទប្រកាន់លើបញ្ហានៃភាពស្និទ្ធស្នាល, សុខភាពផ្លូវអារម្មណ៍ និងផ្លូវកាយ។ ខណៈពេលដែលអាហារពីរបីប្រភេទអាចផ្តល់នូវអារម្មណ៍ឡើងវិញបាន របបអាហារដែលមានត្រី និងអាហារសមុទ្រច្រើនអាចមានឥទ្ធិពលវិជ្ជមានដល់ចំណង់ផ្លូវភេទបាន។ វេជ្ជបណ្ឌិត ឡីន អេដឡែន ណែហ្ស៊ីន (Lynn Edlen Nezin, PhD) អ្នកឯកទេសខាងចិត្តសាស្ត្រ ពន្យល់ថា ជីវជាតិជាច្រើនអាចជម្រុញដល់ចំណង់ផ្លូវភេទបាន ជាពិសេសអាហារដែលល្អចំពោះសុខភាព ជាពិសេសត្រីតែម្តង។ ដើម្បីរីករាយនឹងការរួមភេទ បុរស និងស្ត្រីត្រូវតែមានលំហូរឈាមទៅក្នុងប្រដាប់ភេទបានល្អ និងគ្រប់គ្រាន់។ បេះដូងមានសុខភាពល្អជម្រុញអោយមានរបត់ឈាមទៅសព្វរាងកាយ និងអាចបង្កើនអារម្មណ៍ក្នុងពេលរួមភេទបាន។
សារធាតុ Arginine
សារធាតុមួយនេះគឺជាអាស៊ីតអាមីណេមួយប្រភេទដែលរាងកាយប្រើប្រាស់ដើម្បីបង្កើតជានីទ្រិចអុកស៊ីត។ ក្នុងប្រដាប់ភេទ នីទ្រិចអុកស៊ីតត្រូវបានប្រើប្រាស់ដើម្បីពង្រីកសរសៃឈាម។ ការដែលមានចំនួនរបស់វាតិចតួចពេកអាចកាត់បន្ថយលទ្ធភាពក្នុងការឡើងរឹងរបស់លិង្គ និងរំខានដល់ការស្រើបស្រាលខាងផ្លូវភេទរបស់ស្ត្រីបាន។ ត្រីដែលផ្ទុកទៅដោយសារធាតុ Arginine ដូចជា ត្រីសាលម៉ុង។
ស័ង្គសី
ជាតិស័ង្គសីមានទំនាក់ទំនងនឹងកម្រិតអ័រម៉ូនតេស្តូស្តេរ៉ូនក្នុងឈាម។ ស័ង្គសីក៏មានទំនាក់ទំនងនឹងការបង្កើតអោយផ្លូវភេទមានសុខភាពល្អផងដែរ។ មធ្យោបាយមួយដើម្បីអាចទទួលបានស័ង្គសីគ្រប់គ្រាន់នោះគឺធ្វើយ៉ាងណាអោយទទួលបានស័ង្គសីចំនួន ១១មីលីក្រាមចំពោះបុរស និង ៨មីលីក្រាមចំពោះស្ត្រីតាមរយៈការញ៉ាំត្រី។ ត្រីសាលម៉ុងមានស័ង្គសី ១មីលីក្រាម, ត្រីសាឌីនមានស័ង្គសី ៣មីលីក្រាម និងត្រីធូណាមានស័ង្គសី០,៨មីលីក្រាម។
យកល្អគួរតែញ៉ាំអាហារគ្រប់ប្រភេទក្នុងកម្រិតមធ្យម។
No comments:
Post a Comment