.jpg)
អ្នកស្រាវជ្រាវដែលមកពីសាលាវេជ្ជសាស្ត្រ Harvard, បានពិនិត្យលើការស្រាវជ្រាវ៣០ដែលរួមមានកុមារប្រហែល១,៥លាននាក់។
ពួកគេបានរកឃើញថា កុមារកើតមិនគ្រប់ខែ (កើតមុន៣៧សប្តាហ៍នៃការមានផ្ទៃពោះ) គឺមាន៤៦%ហាក់ដូចជាវិវត្តទៅជាជំងឺហឺត និងមានការពិបាកដកដង្ហើមជាងកុមារដែលកើតធម្មតា។ ទារកដែលកើតគ្រប់ខែត្រូវបានចាត់ទុកជាទូទៅថាប្រហែល ៤០សប្តាហ៍នៃការមានផ្ទៃពោះ។
ជេសភឺរ ប៊ីន (Jasper Been) ដែលមកពីសាកលវិទ្យាល័យ Maastricht បាននិយាយថា ទារកកើតមិនគ្រប់ខែខ្លាំងមែនទែន (កើតមុន៣២សប្តាហ៍នៃការមានផ្ទៃពោះ) បានប្រឈមមុខនឹងហានិភ័យខ្ពស់, ពោលគឺជិត៣ដង បើធៀបទៅកុមារដែលកើតគ្រប់ខែ។
ការស្រាវជ្រាវដែលត្រូវបានចេញផ្សាយនៅក្នុង PLoS Medicine បានបង្ហាញថា ប្រហែល១១%នៃកុមារ គឺកើតមិនគ្រប់ខែ។
អ្នកស្រាវជ្រាវបាននិយាយថា ការស្រាវជ្រាវថ្មីៗមិនគាំទ្រដល់ការស្រាវជ្រាវពីមុនដែលលើកឡើងថា ការផ្សារភ្ចាប់គ្នារវាងការកើតមិនគ្រប់ខែ និងការពិបាកដកដង្ហើមក្លាយជាមិនសូវជាជួបនៅពេល ដែលអាយុកាន់តែច្រើននោះទេ។ ជំនួសនេះ, ភាពរឹងមាំនៃការស្រាវជ្រាវនេះ គឺស្រដៀងគ្នាទៅនឹងក្រុមនៃអាយុលើសពី១៨ឆ្នាំឡើងដែលបង្ហាញថា ឥទ្ធិពលនៃការកើតមិនគ្រប់ខែលើសួតទំនោរជាមានផលវិបាករយៈពេលយូរនៃជីវិត៕
No comments:
Post a Comment